На 28.03.2020 во 20.35 часот во СВР Струмица, Џ.М.(40) од с.Баница, струмичко, пријавила дека околу 19.30 часот, додека била во куќа во с.Баница, сопственост на Т.М. со кого живеела вонбрачно, дошол неговиот брат Д.М., кој со закана со тврд предмет се обидел да изврши обљуба врз нејзе. Се преземаат мерки за расчистување на случајот.

Во изминатите 24 часа се регистрирани 18 нови случаи на коронавирус во земјата. Во текот на прес-конференцијата Институтот за јавно здавје потврди уште 2 позитивни пациенти, така што бројката наместо 16 како што соопшти министерот Филипче на прес-конференцијата изнесува точно 18.

По градови: Штип – 6, Скопје – 3, Велес – 3, Струга – 2, Струмица – 1, Дебар – 1, Тетово –  1, Гевгелија – 1

Со ова, вкупната бројка на дијагностицирани пациенти со КОВИД-19 денеска изнесува 259 лице.

Во изминатото деноноќје од вирусот починаа две лица, едно на 31 и друго на 91-годишна возраст. Бројката на вкупно починати денес се искачи на 6.

Градоначалникот Коста Јаневски, денеска го потпиша договорот за грант од Европската унија и Владата на Република Северна Македонија за реализација на неколку капитални проекти кои ќе се спроведат во општина Струмица во рамки на Проектот за локална и регионална конкурентност и тоа: 

– Реконструкција и реставрација на Цареви кули

– Осветлување на бедемите и кулите на тврдината Цареви Кули 

– Доуредување на трим патеката  Ловен дом – Св. Илија 

– Изградба, уредување и осветлување на пешачка патека Ловен дом – Цареви Кули

– Уредување на планинско велосипедска патека Чам-чифлик – Св. Илија 

Овие капитални проекти ќе започнат да се реализираат во почетокот на месец јуни и имаат за цел надградба на туристичката понуда на општина Струмица, заштита на културно-историското наследство, подобрување на пристапноста и туристичката инфраструктура, но и создавање на подобри и побезбедни услови за граѓаните на општина Струмица за спорт, рекреација и прошетки на ридовите над градот. 

Иако овој период овие активности се ограничени заради спречување на ширењето на корона вирусот, многу брзо, по нормализирањето на состојбата во државата ќе ќе создадат пријатни услови за дружење, прошетки во природа и подобрување на физичкото здравје на граѓаните.