Согласно Задолжението на Владата на Република Северна Македонија, се повикуваат сите економски оператори – маркети кои се заинтересирани да ги стават на располагање своите маркети со цел обезбедување на НАЈНЕОПХОДНИТЕ НАМИРНИЦИ И ТОА ИСКЛУЧИВО ПРЕКУ ДОСТАВА, а согласно приоритетните барања на граѓаните за времетраењето на полицискиот час во престојниот празничен викенд 24 и 25 мај (недела и понеделник) своите ПРИЈАВИ да ги достават на следната е-маил адреса: [email protected].

Рок за достава на пријавата е до 23.05.2020 (сабота) до 15 часот.

Во пријавата потребно е да се наведе целосен назив на фирмата.
Економскиот оператор потребно е лицето кое ќе ја врши доставата да го најави во Секторот за внатрешни работи Струмица, со цел непречено да ја врши доставата за време на забраната за движење.

Старите и изнемоштени лица да ги користат телефонските броеви на волонтерите на општина Струмица (071 345 901, 075 271 710) со што мобилните екипи ќе им излезат во пресрет за нивна помош во пазарување на основни намирници и лекови, како и плаќање на сметки.

Министерството за земјоделство, шумарство и водостопанство ги известува сите земјоделци кои не се евидентирани во Единствениот регистар на земјоделски стопанства (ЕРЗС), а кои имаат потреба за извршување на земјоделски активности во деновите од претстојниот празничен викенд (24 и 25.05.2020 година), телефонски да ги известат Општинските кризни штабови во местото на живеење, каде ќе ја најават потребата од дневна земјоделска активност. 

Потребата за движење неевидентираните земјоделци треба да ја најават во Кризните штабови, еден ден однапред најдоцна до 20 часот. При тоа треба да дефинираат точно време и место на извршување на земјоделските активности. Напоменуваме дека Општинските кризни штабови нема да издаваат дозволи за движење, туку само ќе ги евидентираат земјоделците кои го пријавиле своето барање за непречено движење поради извршување земјоделски активности, а потоа списокот на лица ќе биде доставен до надлежните полициски организациски единици (Одделение, Станица, ОВР, СВР). На овој начин на неевидентираните земјоделци ќе им се овозвожи непречено движење во наведените денови, со цел извршување на тековни земјоделски активности.

Телефон за контакт во Општинскиот штаб за заштита и спасување Струмица: 034 336 120

Денес портпаролот на СДСМ и поранешен градоначалник на општина Струмица, Костадин Костадинов, објави дека поради пандемијата значително ќе се намалат средствата планирани за „Струмица опен фест”.

Тој во разговор со градоначалникот Јаневски бил информиран дека годинава ќе изостане учеството на големите балкански ѕвезди, а како што наведува тој во објавата, на негово задоволство ќе им се пружи шанса на домашните и локални музичари, како и на алтернативната музика.