Општина Ново Село објави дека на нејзината територија е регистриран првиот случај на заразено лице со коронавирус.

Како што се вели во соопштението од Општината оваа информација не треба да биде причина за паника, меѓутоа треба да биде апел сите строго да се придржуваат кон мерките и да покажат одговорност во заштита на јавното здравје.

На 11.02.2020 во 15.25 часот на Граничен премин „Ново Село“ било забележано дека излегува чад под хаубата на паркирано патничко возило „ланд ровер“, сопственост на МВР.

Полициски службеници го изгасиле пожарот, а бил извршен и увид.

Засега не се објавени причините поради кои дошло до палење на возилото.

Жителите на Старо Коњарево во придружба на директорот на Македонски шуми, градоначаникот на Ново Село и портпаролот на СДСМ, Костадин Костадинов, излегоа на лице место и извршија увид во пробивањето на шумскиот пат над селото, а со тоа и како што велат штетната сеча на дрвја за што двапати излегоа на протести да го искажат своето незадоволство.

По средбата и разговорот со мештаните, функционерите беа едногласни дека сите градежни активности на овој пат треба и ќе бидат стопирани.

“За нас најважна е безбедноста на граѓаните и секако животната средина.Благодарам на трпението на граѓаните и апелирам до сите, бидете гласни за сите проблеми, тоа е убавината на демократијата, само заедно сплотени можеме да си ја направиме нашата држава поубаво место за живеење.” изјави Костадинов.