Едно од најголемите музички имиња во Македонија, струмичанката Александра Јанева е активна и на социјалната мрежа „Тик Ток“.

Додека снимаше пијано верзија од нејзиниот најголем хит, макфестовскиот победник, „Врати ми го Сонцето“ и се придружи и мајка ѝ, која пеејќи ја емотивната балада заврши во солзи.

Александра вели дека за прв пат ја слуша мајка ѝ како пее и ја бодреше во текот на целото видео.

Најголемиот музички настан во светот, Изборот за песна на Евровизија, кој годинава требаше да се одржи во Ротердам, Холандија е откажан поради пандемијата со коронавирус, изјавија челниците на фестивалот.

Во соопштението објавено на официјалната веб страница се вели дека ќе се направат сите напори во 2021. година настанот повторно да се одржи во Ротердам, но засега нема официјални информации.

Годинава Македонија требаше да ја претставува струмичанецот Васил Гарванлиев, со песната „You“.

Струмичанецот Васил Гарванлиев годинава ќе ја претставува Македонија на Изборот за песна на Евровизија.

Тој во Ротердам пред европската публика ќе настапи со песната „You”, дело на авторката Невенка Нешковска, а текстот на Невенка, нејзината сестра Калина Нешковска.

Песната премиерно денес беше прикажана во „Дневникот“ на МРТВ.