На 6-ти декември 2019 г., петок, со почеток од 18 часот, во НУЦК „Антон Панов“ во Струмица, ќе се одржи промоција на книгата со хаику песни „Симфонија од бои“ на Никола Д. Сарајлија – Македонски.

Оваа му е петта книга на авторот, кој претходно ги објавил книгите со песни „Промени и спомени“ (1992), „Скала од вода“ (2007), „Меѓи на сонот“ (2009), како и книгата хаибуни „Продавач на илузии“ (2014).

Промотор на настанот е д-р Марина Мијаковска, презентер актерката Јулија Милкова, а модератор Ѓорги Калајџиев.

„Во секој од циклусите не случајно има по осум хаикуа, а бројот осум во нумерологијата означува хармонија и бесконечност. Не случајно Сарајлија преку практикувањето на овој вид поезија , стегната и куса по форма, всушност трага по хармонијата и бесконечноста на мигот.“ е извадок од рецензијата на д-р Марина Мијаковска.

Струмичкиот јутубер Славе Колевски познат како „KolevskyTV” за „Блек фрајдеј” на Камен Мост им продаваше струмички воздух на скопјани.

Багателните акциски цени не ги намамија скопјани да купат од струмичкиот воздух кој во последно време важи за еден од најзагадените во државата.

Реакциите на граѓаните на Скопје на „Икеа” тезгата на Славе со тегли струмички воздух можете да ги погледнете во видеото на следниот линк.

Во 2019-та година бевме сведоци на повеќе артисти од Струмица кои ги правеа првите чекори на треп сцената, што ни дава за право да тврдиме дека во градот полека се создава локално јадро на трепери кои „уличната” сцена ја менуваат за професионална, која очигледно бара многу повеќе труд, а најверојатно и скапо чини.

Струмица како урбана средина, покрај тетатарот, спортот и неколкуте музички имиња од поп и фолк сцената сигурно се збогатува со уште една група талентирани „лепотани”, кои со оглед на продукциската вредност на своите дела полека го вртат вниманието кон себе и потенцијалот кој го поседуваат да ја запечатат и како македонската треп „мека”.

Па така, својствено за една сцена во зародиш, без помпа и незгодни телевизиски промоции вчера беше објавена новата песна на Владо’Јо и Томи, двајцата струмичани, под насловот „Гори”.

Позади „Гори” стои музичката и видео продукција „Еуфорија”. Музиката е потпишана од самиот Владо’Јо, додека текстот е заедничко дело на двајцата изведувачи.

Спотот за песната е снимен на повеќе локации во Струмица, од кои дворот на училиштето „Сандо Масев” е локацијата која доминира во истиот.

„Гори” е трет заеднички проект на Владо’Јо и Томи, по претходните „Бензема” и „Пабло” кои исто така се во продукција на „Еуфорија”.